Nag-anunsyo an Department of Energy (DOE) kan pag-abot kan total na 178 milyon na litro nin diesel bilang parte kan mga paghihingowa kan gobyerno na mapakusog an suplay nin langis sa tahaw kan nagpapadagos na iriwal sa Middle East.
Segun sa DOE, an pinakahuring kargamento iyo an nakakakumpleto kan apat na kargamento sa irarom kan Executive Order No. 110 na pinaluwas ni Predidente Ferdinand Marcos Jr. tanganing maprotehiran an ekonomiya sa mga pabago-bagong presyo kan langis sa global market.
Sinabi ni Energy Secretary Sharon Garin na an matrayumpong paghatod, na inasikaso kan Philippine National Oil Company-Exploration Corporation (PNOC-EC), patunay kan tulos na aksyon kan gobyerno tanganing maasegurar an magkakanigong supply nin gasolina sa nasyon.
Ipigdistribwir an mga padara sa mga mayor na hub sa Batangas, Subic, asin Davao tanganing maasegurar an magkakanigong supply sa manlaen-laen na parte kan nasyon.
Tinawan duon kan DOE na esensyal an reserbang ini tanganing maasregurar an padagos na operasyon kan transportasyon, logistics, asin agrikultura.
