Sinimbag ni DOE Secretary Sharon Garin an panawagan kan nagkapirang grupo na maghali siya sa pwesto huli sa sinasabing kapabayaan o pagkabigo kaining magibo nin tama an saiyang katungdan sa tahaw kan problema sa enerhiya.
Segun ki Sec. Garin, “nauunawaan niya ang panawagan ng mga ito dahil nagpapakita lamang ito na nagmamalasakit ang publiko sa sitwasyon ng enerhiya sa bansa.”
Aniya, “habang nasa posisyon siya ay patuloy siyang magtatrabaho sa ilalim ng pagtitiwala ni Pangulong Marcos, at tatanggapin at igagalang niya kung ano man ang magiging desisyon ng Pangulo.”
Nagtutubod man an kalihim na nagin matanos an pagpadalagan kan ahensya asin an pagresolbar kaini sa mga inaatubang na problema.
Ipinaliwanag niya na sa sektor kan enerhiya, kaipuhan talagang magplano nin amay huli an epekto kan mga aksyon ngunyan mamamatian pa pagkatapos nin limang taon.
Idinugang man niya na marikas asin matanos na ginigibo kan DOE an saindang katungdan, partikular sa mga usapin kan exploration, renewable energy, asin iba pang kapaki-pakinabang na proyekto sa sektor kan enerhiya.
