Ipigbuyagyag ni Senate President Alan Peter Cayetano na posibleng imbwelto an nagkapirang senador hale sa orihinal na 11 miyembros kan minority bloc sa mga anomaliyang flood control project
Ini an sinabi ni Cayetano sa saiyang Facebook livestream kasabay kan pagkumpirmar na magpapadagos asin inaasahan an ika-siyam na hearing kan Senate Blue Ribbon Committee manungod sa flood control scam.
Sigon ki Cayetano, kabale sa nasambitan na dating 18 soldados an nagkapira sa mga senador na nasa minoriya na tinawan man suboot nin kickback hale sa mga flood control projects.
Nagtutubod an Presidente kan Senado na ini an posibleng rason kun nata pighihingowa kan oposisyon na i-discredit an saiyang liderato asin an hearing na gigibuhon saaga kan Blue Ribbon Committee.
Kaiba man ni Cayetano sa saiyang livestream si Senador Rodante Marcoleta, na iyo an mangengenot sa imbestigasyon sa mga anomaliya sa flood control.
Sinabi pa ni Marcoleta na an hearing sa aga an madikta kan direksyon kan nasyon, kun kaya an publiko dapat na mag-antabay asin dae magkurap-kurap.
Dugang pa ni Marcoleta, gigibohon kan minoriya an gabos tanganing padagos na matahoban an isyu na may kinaaraman sa soboot paghabon kan kwarta kan banwaan.
