Piglinaw ni Senator Erwin Tulfo na dae pwedeng ikonsiderar na pormal na “hearing” an Senado plenary meeting kan Hunyo 4 kundi “forum” na pinangenotan ni Senator Rodante Marcoleta.
Sigon ki Tulfo, dae naitala an nasabing diskusyon kaya dae man sakop kan opisyal na proseso kan Senado.
Dugang pa kaini na an mga imbwelto dapat nag-atendir sa opisyal na pagdangog kan Blue Ribbon Committee na nakatalaan sa Lunes, Hunyo 8, 2026.
Sa nasabing hearing, piglalaoman na liwat na ipaapod an 18 dating miyembro kan Philippine Marines para simbagon an mga kahapotan na dai napag-olayan sa forum, kabali na an mga pangaran ni Senador Loren Legarda asin Senador Mark Villar na nasabi sa mga affidavit alagad dae nasambit sa testimonya.Balitang Pilipinas
Durante kan forum, nagbutwa an alegasyon na sarong maleta nin cuarta soboot an itinao ki Tulfo asin dating Presidente kan Senado na si Vicente “Tito” Sotto III.
Marigon na pinahimutikan ini kan duwa asin inapod ining “dakulang kaputikan” asin “planong propaganda.”
Sinabi man ni Tulfo an mga inconsistencies sa testimonya kan testigo na si Bernard Gumban, arog kan pagbabago kan bilang kan mga maleta (duwa vs. anom) asin an kantidad kan cuarta (P15M–P25M vs. P40M–₅0M), na ipinapahiling suboot niya an kawaran nin kredibilidad kan akusasyon.
An hearing kan Blue Ribbon Committee sa Hunyo 8 piglalaoman na magigin mas pormal asin dokumentado, asin piglalaoman na matao nin liwanag sa mga kontrobersyal na alegasyon na nagigin dahelan kan tensyon sa laog kan Senado.
