Namatean sa nagkapirang parte kan probinsya nin Albay an linog na igwang kusog na magnitude 5.3 banggi kan Biyernes, Hunyo 5.
Sa buletin na ipinaluwas kan Philippine Institute of Volcanology and Seismology (Phivolcs), nanotaran an linog sa banwaan nin Sto. Domingo bandang 9:58 nin banggi sa rarom na 10 kilometro.
Dugang pa kan ulat hali sa ahensiya, tectonic an pinagpuonan kan nasambitang linog.
Mantang sa Albay nangyari an nasambitang paghiro kan daga, namataen man ini sa nagkapirang probinsya nin Bicol, Quezon, Samar asin Northern Samar.
Ini an mga apektadong lugar asin an saindang mga intensity:
Intensity V – Santo Domingo asin ciudad nin Legazpi, Albay
Intensity IV – ciudad nin Tabaco, ciudad nin Ligao, asin Malilipot, Albay; ciudad nin Sorsogon, Donsol asin Irosin, Sorsogon
Intensity III – City of Naga; Malinao, Albay; Sorsogon City, Juban and Prieto Diaz, Sorsogon; Monreal sa Masbate
Intensity II – Goa, Camarines Sur; Bulan, Sorsogon; Allen, Biri, Bobon, Catarman, Lavezares, Rosario and San Jose, Northern Samar; City of Masbate, Dimasalang asin San Fernando, Masbate
Para man sa instrumental intensities:
Intensity VI – Tabaco City, Albay
Intensity V – Castilla, Sorsogon
Intensity IV – Sorsogon City, Sorsogon; ciudad nin Iriga, Camarines Sur
Intensity III – Prieto Diaz, Sorsogon; Monreal, Masbate; Sagnay, Sipocot, asin Pili, Camarines Sur; Mercedes, Camarines Norte
Intensity II – Pasacao asin Ragay, Camarines Sur; Milagros, Masbate; San Roque, Northern Samar; Gandara, Samar
Intensity I – Aroroy, Masbate; Gumaca, Quezon
Mayo pa man na nairehistrong nakulugan o nalugadan makalihis an nasambitang paglinog.
Mientrastanto, nilinaw man kan Phivolcs na mayo ining koneksyon sa aktibidad kan Bulkang Mayon, na ngunyan yaon pa man nanggad sa Alert Level 3 status makalihis an nagkapirang bulan.
