Manunutaran an paiba-ibang presyo kan mga produktong petrolyo ngunian na semana huli ta nakatakdang magbaba an presyo kan diesel asin kerosene, mantang an gasolina posibleng magbaba o magtaas depende sa retailer asin lokasyon.
Segun sa Department of Energy (DOE), laoman an pagbaba sa presyo kan gasolina nin P0.32 kada litro o pagtaas nin hasta P1.68 kada litro mantang an diesel posible man na magbaba nin P3.71-P5.71 kada litro.
Mientrastanto, laoman an rolback sa presyo kan kerosene nin P0.50-2.50 kada litro. An panibagong presyong ini sa mga produktong petrolyo epektibo na pagkaaga ngunyan na aldaw nin Martes Hunyo 16, 2026.
Marurumduman na kan nakalihis na semana, nagtaas an presyo kada litro kan gasolina nin P0.30, diesel nin P4.80 sagkod P5.77, asin kerosene nin P4.75 sagkod P8.10.
Huli digdi, an netong pagtaas magpoon kan maglaog an taon hasta Hunyo 9, 2026 nagpakol na sa P45.32 kada litro para sa gasolina, P43.41 kada litro para sa diesel asin P37.80 kada litro para sa kerosene.
