Nag-anunsyo an mga kompanya nin langis nin bagong mga pagbawas sa presyo kan diesel asin kerosene mantang an presyo kan gasolina nakatalaan na maglangkaw.
Sa magkasuhay na abiso, magkakaigwa nin P9.57 kada litro na rollback sa presyo kan diesel asin P13.30 kada litro sa kerosene. Mantang an presyo kan gasolina malangkaw nin sagkod sa P0.47 kada litro.
An price adjustments nagsusunod sa polisiya kan Department of Energy (DOE) na pig-implementar poon Mayo 12 hasta 18.
Enot nang sinabi kan mga sources sa industriya na posibleng mag-abot sa P4.00 kada litro an paglangkaw kan presyo kan gasolina mantang posibleng bumaba nin sagkod sa P8.00 kada litro an diesel huli sa paghiro kan presyo kan langis sa global market.
Segun sa DOE, an mga pagbabagong ini nakabase sa paghiro kan global oil market, sa tahaw kan mga nangyayaring kariribukan sa Middle East na nakakaapektar sa global supply asin presyo kan krudo.
Kan nakaaging semana, naglangkaw nin P2.21 cada litro asin P2.66 kada litro an presyo kan gasolina asin diesel, mantang nagbaba nin P3.53 cada litro an presyo kan kerosene.
Ini an nagdara kan total na net increase sa P46.44 kada litro para sa gasolina, P51.82 kada litro para sa diesel, asin P54.46 kada litro para sa kerosene poon Enero sagkod Mayo 5, 2026.
