Kinuwestyon ni dating Cavite 4th District Representative Congressman Kiko Barzaga ang umano’y hindi pantay na distribusyon ng disaster aid ng pamahalaan sa mga lugar na naapektuhan ng kalamidad sa Luzon at Mindanao.
Ito ay kasunod ng magnitude 7.8 na lindol na tumama sa ilang bahagi ng Mindanao, kung saan may mga ulat at pahayag mula sa ilang residente na hindi umano naging sapat ang agarang tulong na ipinadala sa mga apektadong komunidad.
Sa kanyang pahayag, inihayag ni Barzaga ang tanong kung may kaugnayan umano ang suportang pampulitika sa bilis at lawak ng pagtugon ng pamahalaan sa panahon ng sakuna.
“Dahil ba suportado ang mga Duterte?” ani Barzaga habang tinutukoy ang umano’y pagkakaiba ng pagtugon sa mga nasalantang lugar.
Gayunman, wala pang inilalabas na pahayag ang mga ahensya ng pamahalaan hinggil sa naturang alegasyon. Patuloy naman ang isinasagawang assessment at relief operations sa mga lugar na naapektuhan ng lindol.
