Naglutang an isyu sa ikatolong aldaw kan impeachment trial ni Vice President Sara Duterte manungod sa pangangaipo kun siisay an naghain kan kasong grave threats kontra sa pangalawang pangulo.
Sa saiyang pagbalik komo enot na testigo kan prosekusyon, ipinaliwanag ni NBI Senior Agent John Mark Calilung na puwedeng magpadagos an preliminary investigation sa kasong grave threats maski mayo nin pormal na reklamo hali mismo sa pinagbantaan, basta may sapat na ebidensyang nakalap kan mga imbestigador.
Sa paghapot ni Senator-Judge Erwin Tulfo kun kaipuhan pa an pahintulot o reklamo kan mga opisyal bago magsagibo nin imbestigasyon, nilinaw ni Calilung na may awtoridad an National Bureau of Investigation o NBI na mag-imbestigar motu proprio, o sa sadiring inisyatiba, kun an pinagbabantaan iyo an matataas na opisyal kan gobyerno arog kan Pangulo, Pangalawang Pangulo, Senate President, Speaker kan Kamara, asin Chief Justice.
Segun pa ki Calilung, sinunod kan NBI an itinakdang proseso kan Department of Justice o DOJ asin nakakuha sinda nin sertipikasyon na nagpapamatuod na sapat an saindang mga dokumento asin ebidensya tanganing maipagpadagos an preliminary investigation.
Nagpoon an imbestigasyon sa online press conference ni Vice President Duterte kan Nobyembre 23, 2024, saen sinabi niyang may nasabihan na ining tawo tanganing ipagadan sinda Pangulong Ferdinand Marcos Jr., First Lady Liza Araneta-Marcos, asin dating House Speaker Martin Romualdez sakaling may mangyaring maraot sa saiya.
Mantang ini, kan haputon ni Senator-Judge Joel Villanueva kun paano sinusuri kan NBI kun seryoso an sarong banta, sinabi ni Calilung na bako siyang awtorisadong magkomento para sa National Security Council asin iba pang ahensya. Pero segun sa saiyang kapasidad bilang NBI agent, ginatatawan nin pag-atensyon kan NBI kun aktibo an banta asin kun may kakayahan, kapangyarihan, asin paagi an nagbanta para maisakatuparan ini. Saro man an konteksto asin paagi kan pagbanggit kan naturang pahayag.
Sa ngunyan, nasa National Prosecution Service kan DOJ na an rekomendasyon kan NBI may kinaaraman sa mga kasong grave threats asin inciting to sedition tanganing maagi sa kaukulang preliminary investigation.
