Tinapos kan Sacramento Kings an saindang Summer League campaign sa panalo kontra Charlotte Hornets, 92-90.
Huli sa naturang panalo, nagtapos an Kings na may 2-3 na win-loss record, habang an Hornets nagtapos sa 1-4.
Pinanginotan ni Kings Rookie Emanuel Sharp an panalo kan saiyang koponan matapos magrehistro nin 16 puntos asin 3 steals sa laog nin 30 minutos na pagkawat. Sa naturang oras, saro sanang turnover an saiyang nagibo.
Kapot na kan Sacramento an momentum sa paglaog pa sana kan enot na quarter, asin umabot pa sa 15 puntos an saindang kalamangan.
Tinapos kan Kings an enot na quarter sa 31-19, pero nakabawi an Hornets sa ikaduwang quarter asin naibaba an lamang sa 55-50 sa pagtapos kan first half.
Apwera ki rookie Emanuel Sharp, nagpakitang-gilas man an 2024 second-round draft pick na si Jonathan Mogbo, na nagtala nin 14 puntos, walong rebounds, apat na assists, asin tulo na blocks.
Sa panig kan Charlotte, nagrehistro nin double-double an 2026 lottery pick na si Hannes Steinbach, matapos magtala nin 22 puntos asin 11 rebounds.
Sa saiyang 10 field goal attempts, pito an saiyang naishoot, na katumbas nin 70% shooting percentage.
