Mahigot na itinutulod ni Senator Francis “Kiko” Pangilinan an duwang magkatuwang na propwesto para sa pag-reporma kan sektor kan agrikultura tanganing mapatibay an food security asin mapababa an presyo kan mga barakalon.
Sa saiyang pahayag, sinabi ni Pangilinan, chairman kan Senate Committee on Agriculture, Food and Agrarian Reform, na dapat nang maipasar an panukala para sa renationalization kan Agricultural extension services asin an pagkrear kan Bureau of Agriculture Cooperatives.
Segun digdi, ini an mapakusog sa Longterm Food Security asin makakatabang tanganing magin mas abot-kaya an presyo kan pagkakan.
Nakapalaman an mga panukala sa Senate Bill No. 1991 o an Agriculture and Fisheries Extension Act, asin Senate Bill No. 1990 o an Agricultural Cooperatives Act. Obheto kaining mapakusog an kakayahan kan mga paraoma asin parasira, na mapauswag an produksiyon, asin masiguro an sapat na suplay kan pagkakan.Naipasar na sa ikaduwang pagbasa sa Senado an kambal na panukala.
Sa irarom kan Agricultural Extension Services Act, mapapakaray an access kan mga paraoma ,parasira asin iba pang agricultural stakeholders sa science-based farming technologies, climate-resilient production techniques, research, training, asin technical assistance.
Tinawan doon ni Pangilinan na kun maaprubaran an extension services, mas mapapakaray an ani, mapapababa an gastos sa produksiyon, magiging mas handa an sektor sa mga epekto kan pagbabago kan klima, asin madadagdagan an produksiyon kan pagkakan sa nasyon.
