Mahigot na pinahimutikan kan House prosecutor asin Bicol Saro Party-list Rep. Terry Ridon na sayang sana an pondo kan publiko an ginibong impeachment trial ni Bise Presidente Sara Duterte.
Tinawang-duon ni Ridon na bako man pagsayang nin kwarta an proseso kan impeachment na pagpapanimbag sa mga halangkaw na opisyal kan gobyerno susog sa Konstitusyon.
An pahayag ni Ridon makalihis na maglakop sa social media na milyones pesos an ginagastos kan gobyerno aroaldaw sa impeachment proceedings envez na gamiton ini sa serbisyo publiko.
Nanindugan si Ridon na sala asin nakakadaya an mga nasambit na impormasyon huli ta parte kan regular na budget kan House of Representatives asin Senado an mga gastos para sa trial asin mayo pang dugang na pondo.
Dugang pa ni Ridon na dae pwedeng ibalyo sa ibang ahensya arog kan Department of Social Welfare and Development an nasabing pondo na itinagama sa duwang kamara kan Kongreso para matabangan an satong mga tios na kahimanwa.
