Binatikos ni Davao City 1st District Representative Paolo ”Pulong” Duterte an ikalimang State of the Nation Address (SONA) ni Pangulong Ferdinand Marcos Jr.
Segun ki Duterte, kulang suboot an naging kasimbagan kan Presidente sa mga isyu kan katiwalian asin an pagtios na naeekspperyensyahan kan kadakol na mga Pilipino.
Segun digdi, magayon dangugon an pahayag kan Presidente kun pareho an ipinapahiling na malasakit sa sambayanang Pilipino. Mantang naheherak an Presidente sa saiyang pinsan, kasuarin suboot ini huring naherak sa milyun-milyong Pilipinong lugmok sa pagtios, nag-aagrangay sa mayong untok na paglangkaw kan presyo kan pagkakan, halangkaw na singil sa kuryente, asin padagos na pagsadit kan kantidad kan kinikita kan mga Pilipino.
Kasunod ini kan pahayag ni Marcos na madali nang sangatan nin kaso an dating House Speaker na si Martin Romualdez katakod kan suboot iregularidad sa mga Flood Control Projects.
Alagad segun ki Duterte, dai sapat an mga pahayag na ini kan Presidente. Dugang pa kan opisyal na kamawotan kan taumbayan na maaraman an katotohanan asin mapanagot an gabos na sangkot sa suboot korapsyon, kabali na an mga isyu sa Flood Control Funds, PhilHealth funds, asin Maharlika Fund.
Tinawan-duon kan Kongresista na mas mahalagang simbagan an mga problemang kinakahampang kan mga Pilipino.
Dugang pa ni Duterte, an tunay na kamugtakan kan nasyon dai nasusukol sa palakpakan sa laog kan Kongreso, kundi sa hapagkainan na nasa lamesa kan lambang pamilyang Pilipino, sa kalidad kan serbisyo kan gobyerno, asin sa pagtitiwala kan mga mamamayan sa gobyerno.
