Tinawan-duon ni Presidente Ferdinand Marcos Jr. sa saiyang ikalimang State of the Nation Address (SONA) an mga kasong isinampa laban sa nagkapirang opisyal, mambabatas, asin kontraktor katakod kan katiwalian sa mga Flood Control Projects na enot na niyang inilantad sa nakalihis na ulat sa bayan.
Segon sa PresidenteMarcos Jr., kabali sa mga piglalaoman na sasampahan nin kaso kan Ombudsman an saiyang pinsan na si Leyte Rep. Ferdinand Martin Romualdez.
Segon ki Marcos, makulog man ini sa saiya komo pinsan, kinakaipuhan man giraray na gibuhon an tama. Matapos an SONA, nagpaluwas nin pahayag si Romualdez na nagsasabing iginagalang kaini an posisyon kan Presidente.
Dugang pa ni Romualdez, naninindugan ini na mayo siyang binalgar na ley asin preparado ini na patunayan ini sa tamang proseso.
Sa ibong kan pagiging dipisil para sa Presidente na idagos an mga kasong may kinaaraman sa mga tawong harani sa saiya, tinawan-duon kaining trabaho kan gobyerno na ipautob an tama asin igalang an ley.
