Nakaguno an pahayag ni Presidente Ferdinand Marcos Jr., nin standing ovation durante kan saiyang SONA sa isyu kan system losses na ipinapasa kan mga power companies sa mga konsumedores.
Tinuyaw kan Presidente an padagos na pagsingil kan sistema nin lugi sa publiko, na bako man kasalan kan mga konsumedor nin kuryente.
Segun ki PBBM, panahon na tanganing haleon an surcharge na ini na haloy nang nagpapagabat sa publiko.
Sinaysay man na an mga pagkalugi sa sistema sinisingil sa bill asin value added tax, na orog pang nagpapagabat sa mga konsumedor.
Huli kaini, nangapudan an Presidente nin pag-amyendar sa Electric Power Industry Reform Act (EPIRA Law) kan 2001, na iyo an nagsasabi kan klase kan bill.
Huli kan saiyang pangapudan nagkaigwa nin paralakpakan asin standing ovation kan mga nag-atender sa SONA komo tanda nin suporta.
Ini an pigkokonsidera na saro sa pinakamakusog na parte kan speech kan Presidente na direktang masimbagan an mga agrangay kan mga consumer nin kuryente.
