Preparado na suboot an kampo ni Bise Presidente Sara Duterte na atubangon an mga alegasyon kontra saiya sa nagpapadagos na Impeachment Trial.
Ini makalihis na magpoon na mag-isyu nin mga subpoena an Senate impeachment court ngani na makua an nagkapirang bank records asin tax records kan Bise Presidente.
Segun sa tagapagtaram kan defense team kan Bise Presidente na si Atty. Michael Poa, dai sinda nagkokontra sa paghanap kan katotoohan.
Mawot sana suboot ninda na maseguro na an gabos na lakdang susog sa Konstitusyon, mga eksistidong ley, asin mga reglamento kan korte.
Dugang pa ni Poa, piglalaoman na ninda an pagtugot kan impeachment court na makua an mga dokumento. Preparado man suboot sinda na patunayan na daing basehan an alegasyon kan suboot dae maipaliwanag na yaman ni VP Sara.
Kabali sa mga napadarahan na nin subpoena iyo an Bureau of Internal Revenue (BIR), Anti-Money Laundering Council (AMLC), asin nagkapirang bangko.
Hulyo 30 an itinalaan na deadline para sa pagsumiter kan mga dokumentong hinahagad kan impeachment court.
Temporaryong pinundo an impeachment trial hearing huli sa preparasyon para sa State of the Nation Address ni Presidente Ferdinand Marcos Jr.
Magigirumduman na nahahampang sa impeachment si VP Sara huli sa mga alegasyon nin culpable violation kan Constitution, graft and corruption, betrayal of public trust, bribery.
An saiyang kampo enot na nagnegar kan mga alegasyon.
