Ipigheras kan Philippine National Police (PNP) na mayong nairehistrong untoward incidents sa bilog na ika-limang State of the Nation Address ni Presidente Ferdinand Marcos Jr. kan Lunes, Hulyo 27.
Ini an assessment kan national police sa ibong kan pagkarekober kan pigtutubudang improvised explosive devices (IEDs) sa luwas kan Department of Justice (DOJ) sa Manila asin Senado sa ciudad nin Pasay siring man an pagkadakop sa 51 indibidwal durante kan mga protesta sa Quezon City huli sa pagbalgar sa eksistidong ley asin local ordinances.
Sa pahayag kan hepe kan PNP Gen.Jose Melencio Nartatez Jr., sinaysay kaini na matuninong na nagpoon asin natapos an SONA na mayong naikurit na untoward incident o bayolenteng insidente.
Segun sa hepe kan National Capital Region Police Office (NCRPO) na si Maj. Gen. Anthony Aberin, sa pankagabsan matoninong an saindang mga operasyon sa seguridad sa Commonwealth Avenue.
