Binatikos ni Vice President Sara Duterte an kamugtakan kan journalism sa Pilipinas, kasunod kan saiyang pagbisita sa saiyang ama na si dating Pangulong Rodrigo Duterte sa The Hague.
Sa sarong pahayag sa The Hague, sinabi ni VP Sara na harayo pa suboot an kalidad kan journalism sa Pilipinas kumpara sa international media.
Segun pa sa Bise Presidente, mas maayos an paagi kan mga International Media sa paghahanap at pag-eskusar nin mga balita.
Ginibo ni Duterte an pahayag matapos ining haputon manungod sa suboot pagkua nin nagkapirang media outlet sa saiyang mga pahayag na mayo sa tamang konteksto, na an naging kawsa nin negatibong paghiling sa saiya asin sa saiyang pamilya.
Tigtawan duon na bako dapat an kwarta an primerong rason kan pamamahayag, huli kung ini sana an magiging obheto, madidipisilan suboot na magkaigwa nin tunay na pagbabago sa nasyon.
Dugang pa ni Duterte na dakulang tabang an social media huli nagtatao ini nin opportunidad sa publiko na mahiling an manlain lain na pananaw asin sadiring bersyon kan mga pangyayari.
Nagpa abot ini kan saiyang paghandal sa nagbabagong pagpapahalaga kan nagkapirang Pilipino, asin nangangapudan na tawan importansya an mga katangiang siring kan bayanihan, discipline, asin resilience.
