Dae nahihiling na nararapat na maipatupad sa buong Naga City an panukalang pagbaba nin speed limit sa 30 kilometro kada oras, segun sa sarong opisyal. Aniya, dapat na pag-adalang maray an naturang panukala asin isaalang-alang an aktuwal na kondisyon asin pangangaipuhan nin kada tinampo bag o ini ipautob.
Sa intrevista kan Bombo Radyo Naga kay Kapitan Leoncio Libuit, kan Barangay Carolina Naga City, Pig esplikar kan opisyal na may mga lugar na kinakaipuhan higotan an speed limit, lalo na sa mga tinampong hararani sa mga ospital, eskwelahan, pedestrian crossings, asin iba pang matatawong lugar kung saen halangkaw an posibilidad nin aksidente. Sa mga naturang lugar, makakatabang an mas hababang speed limit tanganing maprotektahan an kaligtasan kan mga motorista asin mga pedestrian.
Gayunman, nasambit niyang dae gabos nin tinampo sa lungsod ay angkop sa 30 kph speed limit. Aniya, may mga pang inot na lansangan asin mga tinampo sa upland barangays na mas tultol an daloy nin trapiko asin dae kinakaipuhang pare-pareho an limitasyon nin kaskas. Dugang pa niya, sapat na gabay para sa mga motorista an mga traffic sign na nagsasaad nin mga sensitibong lugar tanganing kusa sindang magbawas nin kaskas.
Tinawan-duon din pa kaini na importanteng magkaigwa nin balanse sa pagitan nin kaligtasan kan publiko asin tultol na daloy nin trapiko. Segun saiya, kun hababa na maray an speed limit sa gabos ng tinampo, pupwede ining magdulot nin dae kinakaipuhang pagkaantala sa biyahe asin pagpipiot kan trapiko, lalo na sa mga pang inot na ruta kan lungsod.
