Nangapodan an CASURECO II sa gabos na miembros konsomedores asin sa gabos na Lokal na Gobyerno na isarado an mga Street Lights orog na kun maliwanag na o aldaw na.
Segun sa opisyal, mainit an diskusyon pag-abot sa Systems Loss alagad an 24 /7na nakabukas an mga streetlights asin an mga direktang nakakonektar na mga CCTVs naglalaog ini sa inaapod na Non-Technical Losses.
Boot sabihon, bako sanang an mga parahabon nin kuryente an dapat na pagbasulon kun tano ta halangkaw an binabayadan sa System Loss.
Kahagadan kan opisyal an suporta kan gabos na magkaigwa nin pagmakulog sa paagi kan pagpundo kan mga nakabukas na ilaw enkaso igwa man nin nanutaran an lambang indibidwal tuyong aldaw na huli ta saro ini sa nakakapagkontribwer kan paglangkaw kan system loss.
Dagdag pa ni Bucay, kaipuhan mag-assign an Barangay o sa kumunidad na masarado kan mga street lights.
Mientrastanto, mayo man nin maraot sa pagbugtak nin CCTVs sa mga pampublikong lugar alagad kinakaipuhan na iparehistro ini sa kooperatiba asin dai ini ikabit nin direkta huli ta mababalgar an RA 7832 asin pweding makasuhan an siisay man na magbalgar digdi.
