Aminado si Pangulong Ferdinand Marcos Jr. na epektibo an mga kasalukuyang flood-control operations sa Metro Manila alagad dakul pang kaipuhang gibohon tanganing dagos ng mabawasan an pagbaha.
Nag-inspeksiyon an Pangulo sa Alido River sa Las Piñas kun saen inilaag an high-vacuum self-priming drainage trailer pump na layong pababaon an lebel nin tubig asin makatabang sa pagbawas nin baha sa mga haraning na lugar.
Pinansin kan Pangulo an pagbuti nin sitwasyon sa Metro Manila sa kasagsagan kan Habagat.
Binanggit kan Pangulo na tigsugo kaini an Department of Public Works and Highways (DPWH) na ipagpapadagos an dredging o pagpapararom asin paglilinig kan mga agihan nin tubig. Suboot, dati ay umaabot sa apat na talampakan an baha sa Las Piñas alagad ngunyan ay hasta tuhod na lamang.
Segun sa Pangulo, nagkaigwa nin moratorium sa dredging sa laog kan 12 taon, asin an utrong pagsasagibo kaini ay nakatabang tanganing mapalangkaw an kapasidad nin mga agihan kan tubig. Binanggit din kaini an pangangaipuhang makumpleto an spillway sa Las Piñas tanganing mas makaskas na mailuwas sa dagat an tubig.
Tgsugo din ni Marcos si DPWH Secretary Vince Dizon na repasuhin an mga plano para sa proyekto.
Kasabay kaini, nangapudan an Pangulo sa mga lokal na pamahalaan asin residente na tiyakon an tultol na pagaapon nin basura huli sa dakulang dakul nin basurang nagbabara sa mga agihan kan tubig. Ipinahayag din kaini an planong muling buhayio an waste-to-energy program kun saen gigibohong kuryente an mga basura.
