Lininaw kan Bases Conversion and Development Authority (BCDA) asin kan Board of Investments (BOI) kan DTI na manufacturing hub asin bakong artificial intelligence (AI) hub an planong pagtugdok kan Pax Silica hub sa Capas, Tarlac.
Sa hearing kan Senate Committee on Environment, Natural Resources and Climate Change, ipinaliwanag ni Department of Trade and Industry (DTI) Undersecretary Ceferino Rodolfo na nababanga sa duwang parte an Pax Silica.
Ipinarisa na an saro iyo an manungod sa non-binding o non-forced agreement sa economic initiatives kan 24 nasyon kabali na an Pilipinas asin an ikaduwa iyo an actual promotion kan proyekto asin ini an plano sa Capas.
Dai ninda ini inaapod na Pax Silica kundi “Clark Advanced Manufacturing Park” na para sa produksyon nin mga kagamitan asin mga sangkap na i-eeksportar sa mga sentro nin datos kan AI.
Sa ibong na lado, pighale kan Presidente asin CEO kan BCDA na si Joshua Bingcang, an mga takot manungod sa proyekto.
Sinabi niya na an 1,619 ektaryang daga an kontribusyon kan gobyerno tangani na masimbagan an mga concerns kan mga komunidad sa development area.
