Preparado asin Pinakusog an seguridad asin preparasyon kan Police Regional Office 5 (PRO 5) para sa ika-43 na anibersaryo kan pag-agi kan nagadan nang Senador Benigno “Ninoy” S. Aquino Jr. sa Biyernes, Agosto 21, 2026. KASUROG C.A.R.E. (Crowd Management Advanced Reactionary Force Engagement) nakatutok sa pagseguro kan matoninong, ligtas, asin areglado na paggibo kan mga pagtiripon, paggirumdom, asin iba pang aktibidad.
KASUROG C.A.R.E. an personahe na sinanay sa crowd management asin Civil Disturbance Management (CDM), estratehikong ipapadara asin ibubugtak sa standby tanganing tulos na magresponde sa anuman na sitwasyon na pwedeng mangyari. An pangenot na obheto kaini iyo an pagmantenir kan katoninongan asin orden, pagprotehir sa publiko, asin pagseguro kan ligtas asin areglado na paggibo kan lehitimong pagtiripon asin matoninong na pagpahayag nin opinyon.
Tinawan duon kan PRO 5 an maximum tolerance, respeto sa human rights, asin estriktong pagsunod sa eksistidong ley asin regulasyon sa gabos na operasyon kan pulis. Nadagdagan man an visibility kan mga pulis sa mga estratehikong lugar arog kan mga terminal nin transportasyon, mga mayor na tinampo, mga establisimiento, mga pasilidad kan gobyerno, mga importanteng instalasyon, asin iba pang lugar na parating pigdudumanan kan publiko.
An mga regular na operasyon kontra kriminalidad padagos man na maibitaran asin mapugulan an anuman na kriminalidad sa paagi kan mga patrolya, seguridad sa lugar, mga checkpoint, asin iba pang legal na itinotogot na mga lakdang sa pag-iingat. Makikoordinar man an PRO 5 sa mga lokal na gobyerno, organizers, traffic personnel, emergency responders, asin iba pang nanonongdan na ahensya para sa tamang seguridad, traffic management, asin pagresponde sa anuman na emerhensya.
Inenkaminar an publiko na makipagtabangan sa mga awtoridad, igalang an konstitusyonal na deretso na matoninong na magtiripon asin magpahayag nin mga opinyon, magsunod sa ley, asin igalang an mga deretso nin iba. Inaabisuhan man an gabos na magdanay na mapagbantay asin tulos na isumbong sa pinakaharaning istasyon kan pulis an ano man na makaduda na aktibidad o emerhensya. Kasunod kan PNP Focused Agenda, an PRO 5, sa pamamayo ni PBGEN EROSITO N. MIRANDA, Regional Director, mantenidong komitido sa pagtao nin tulos, responsable, asin citizen-centered na serbisyo kan kapulisan tanganing maseguro an ligtas asin areglado na pagromdom mantang pig-aataman an mga deretso asin karahayan kan lambang namamanwaan.
