Kinumpirmar kan Philippine National Police (PNP) na nabisto na an bangkay kan sarong menor de edad na daragita na nakua sa lugar, alagad dae pa pigbuyagyag an saiyang identidad huli sa edad kan biktima.
Sa paghampang sa mga Kagawad kan Media kay Police Captain Jeson Max F Barcenas,Annual Command Performance and Review (ACOP), sinaysay kaini na susog sa inisyal na medico-legal examination, mayo nin malinaw na lugad sa luwas an nahiling sa lawas kan biktima. Sinasabi na suffocation an posibleng kawsa kan kagadanan, alagad dai pa aram kun natural na kagadanan o kun igwa pang ibang imbwelto.
Padagos man an pagsiyasat kan mga awtoridad asin Scene of the Crime Operations (SOCO) sa mga narekober na gamit asin iba pang ebidensya sa pinangyarihan para maaraman kun may koneksyon ini sa pagkagadan kan biktima.
Pigkakarkulong tulo hasta apat na aldaw na an bangkay sa lugar bago ini nadukayan. Huli sa advanced stage kan pagkabulok, ini ipinasairarom sa proseso nin pagmidbid asin kan huri ilinubong mantang nagpapadagos an imbestigasyon.
Nangapudan an PNP sa publiko na likayan an pagpalakop nin dae beripikadong impormasyon dapit sa kaso, urog na menor de edad an victima. Sinabi man kan mga otoridad na padagos an saindang pighihiling sa kaso ngani na maaraman kun ano an tunay na kawsa kan kagadanan asin kun igwa man nin responsable.
