Nagluwas nin ruling an Senate Impeachment Court na nagbabawal sa mga senador-huwes, siring man sa mga abogado kan prosekusyon asin depensa, na magtao nin mga pahayag sa merito kan kaso nin impeachment kontra ki Bise Presidente Sara Duterte.
Segun ki presiding officer Sen.Francis Escudero, susog ini sa Article 18 kan Rules on Impeachment na nagsusugo sa mga myembros kan Senado asin presiding officer na maglikay sa anuman na komento o pagbuyagyag sa publiko dapit sa pendyinteng impeachment trial. Sakop man kan reglamento an mga piskal, an na-impeach na personalidad, an saindang mga abogado asin mga testigo.
Sinabi ni Escudero na base sa record, may mga indibidwal na nagtatao nin pahayag sa publiko sa merito kan kaso. Nanindugan siya, dae dapat magkaigwa nin trial by publicity huli ta nagbabanta ini sa korte, nagpapababa sa dignidad kan tribunal, asin ginigibong sirko an pagbista kun gagamiton na armas an media tanganing salidahan an ebidensiya nin kaanggotan kan publiko.
Ipapaotob kan korte an patakaran na duwang welga. Para sa enot na pagbalga, an sarong estriktong patanid sa bukas na korte itatala bilang huring patanid. Sa ikaduwang bayolasyon, multang P30,000.
Kun myembro kan Bar an nagbalgar, irerefer sa Office of the Bar Confidant, IBP, asin sa Korte Suprema para sa posibleng disciplinary sanctions.
Lininaw ni Escudero na an desisyon prospective, boot sabihon sakop sana kaini an mga pahayag na ginibo pagkatapos na ianunsyo an desisyon kan Agosto 26. Dai kaini sakop an mga tagapagtaram kan mag-ibong na lado na “libreng magsabi kan ano man na gusto ninda.”
Sinabi niya na an mga abogado libreng magpresentar nin mga factual asin legal na teorya na nagsusuporta sa saindang mga paninindugan, alagad dapat ini gibohon na may ebidensya, marahay na mga argumento, asin tataramon na angay sa kort
