Nakadestroso an Philippine Drug Enforcement Agency (PDEA) nin labi sa 2.2 metriko tonelada nin iligal na droga na saindang nakumpiskar.
Segun sa PDEA, nagkakantidad nin P12.34 bilyon an droga.
Pigdestroso ninda an droga sa paagi kan pagsulo kaini sa sarong waste management plant sa Cavite kan Huwebes, Agosto 27.
Idinugang pa kan PDEA na ini an pinakadakol na droga na saindang nadestroso ngonian na taon.
Kabali digdi an labing duwang milyon na gramo nin solidong substansiya asin labing 100-M na mililitro nin likido na peligrosong droga.
Kabale sa droga an labi sa 1,774,023.9425 grams nin methamphetamine hydrochloride o common bisto sa apod na shabu na pigkakarkulong street value na maabot sa P12.06-B.
Kadaklan sa mga droga nakumpiskar sa mga operasyon sa droga sa Valenzuela City.
Pigsierto ni PDEA Director General Undersecretary Isagani Nerez na mapadagos an saindang kampanya kontra iligal na droga sa nasyon.
