Pormal ng piglansar an CamSur Uptown sa Taguig City kan nakalihis na Biyernes, Agosto 28, 2026.
Pinangenotan an aktibidad kan Gobernador kan probinsya nin Camarines Sur na si Governor LRay Villafuerte, Vice Governor Sal Fortuno Jr., mga miyembro kan Sangguniang Panlalawigan asin iba pang mga opisyales kan probinsya bilang pagsuporta sa dakulang proyekto kan Capitolyo Provincial.
An Camsur Uptown, manunutaran sa 200 na ektarya nin daga sa banwaan nin Pili Camsur.
Pinaglalaoman na makakapagkrear nin kadakol na trabaho para sa mga Camarinenses an Uptown enkaso magpoon nang maglaog an mga investors sa laog kan probinsya sa masunod na taon.
Sigon ki Governor LRay Villafuerte, isinagibo an aktibidad sa Taguig City tanganing mas madaling maimbitaran asin mainkaminar an mga investors na magbugtak nin negosyo sa Camarines Sur.
Kinukunsiderar an Uptown bilang “Global City in the South” asin magigin sentro kan financial services, inobasyon, teknolohiya, renewable energy, turismo, asin kadakol pang iba.
Mientrastanto, pinag-atinderan an aktibidad kan mga bistadong mga negosyante asin mga investors na gikan pa sa manlain-laen pa sa laog asin sa luwas kan Pilipinas.
