Naatraso an rinibong pasahero sa mayor na Airport kan Kenya pagkatapos kan “go-slow strike” kan mga empleyado duman na naglaog sa ikaduwang aldaw kaini.
An aksyon protesta sa Jomo Kenyatta International Airport pinangenotan kan Kenya Aviation Workers’ Union (KAWU) huli sa dai pagkakaoyon sa kolektibong bargaining agreement asin kawaran nin kooperasyon kan mga awtoridad kan aeropuerto asin mga kompanya nin eroplano.
Huli kan sitwasyon, nagkapirang mga aeropuerto asin mga eroplano an nagkanselar kan saindang mga biahe pasiring sa Nairobi huli sa mga problema sa pagkontrol kan trapiko sa eroplano.
An nagkapirang pasahero naghalat sa aeropuerto nin labing 12 oras bago pinaisi na an saindang mga biahe kinanselar o ibinalyo sa masunod na aldaw.
Padagos an pakikipag-olay kan liderato kan KAWU sa mga opisyales kan gobierno ngani na resolberan an isyu, alagad mantenidong epektibo an welga mantang nagpapadagos an negosasyon.
