Sinabi ni Israeli Prime Minister Benjamin Netanyahu na an mga pwersa kan Israel nakadakop nin Senior Hamas Figure sa sarong operasyon sa daga sa Gaza kan Martes. Apat na Palestino an naireport na nagadan sa operasyon.
An lalaki nabisto bilang si Muein al-Arabid, pamayo kan internal security apparatus kan Hamas sa Gaza. Sinabi kan Israel na imbuelto siya sa pagpakusog kan kontrol kan Hamas sa norteng Gaza asin sa mga pag’atake laban sa mga tropa kan Israel.
Pinahimutikan kan Hamas an mga alegasyon asin sinabi na si Arabid nalugadan sa saiyang pagkadakop. Sinabi kan grupo na nagadan an saiyang agom asin nagkapira sa saindang mga aki an nairido.
An Israel nagkondusir man nin mga airstrike sa Gaza City durante kan operasyon. Sinabi kan mga opisyales kan Palestina na tolong aki asin sarong babae an nagadan.
Sa ibong kan pag-ontok sa putok, an kadahasan sa Gaza padagos. An ministeryo sa salud kan Palestina nagsabi na labing 1,300 katawo an nagadan poon kan mag-epekto an untok-putokan.
