Naglansar an Bureau of Internal Revenue (BIR), sa pamamayo ni Commissioner Charlito Martin R. Mendoza, nin bagong BIR Audit Program tanganing pakusugon an risk-based audits asin accountability sa bilog na nasyon.
Base sa Revenue Memorandum Order (RMO) No. 22-2026 na pinirmahan kan Agosto 24, 2026, pinagsararo kan ahensya an mga nakaaging programa kaini tanganing magkaigwa nin mga pangkagabsan na patakaran asin pamantayan para sa mga pag-audit sa buwis. Buy Telescope
Sa irarom kan bagong sistema, an Single-Instance Audit Framework pinapakusog, na sa pankagabsan naglilimitar kan pag-audit kan sarong parabayad nin buwis sa saro sanang elektronikong Letter of Authority kada taon nin pagbubuwis.
Gagamiton man kan BIR an mga prosesong automated asin anonymize sa pagpili kan mga prayoridad na kaso base sa risk-based data tanganing mabawasan an personal na diskresyon kan mga opisyales.
Dugang pa, an “Audit of Auditors” o Revalida pig-establisar tanganing maseguro na an mga tax assessment na ipinaluwas nagsusunod sa maninigong proseso, ley, asin mga katotoohan.
An importanteng repormang ini nagsusuporta sa mandato ni Presidente Ferdinand R. Marcos Jr. asin Finance Secretary Frederick D. Go tanganing madugangan an tiwala kan publiko sa gobyerno asin mapakarhay an pagigin madaling magnegosyo sa nasyon.
