Pig-asegurar kan Malacañang an tiwala sa Philippine National Police (PNP) kasunod kan pahayag ni Bise Presidente Sara Duterte na mayo siyang tiwala sa kapulisan.
Segun ki Palace Press Officer Claire Castro, nagigibo kan PNP an saindang mga katungdan susog sa ley, imparsial asin mayong pakikiaram kan pulitika.
Tinawang-duon ni Castro na nagtitinir na propesyonal an kapulisan sa pagprotehir kan deretso kan gabos na nasa irarom kan saindang proteksyon.
Nangapudan an Palasyo sa sisay man na may reklamo o pagduda sa ginibo kan mga pulis na isangat ini sa paagi kan magkakanigong legal na proseso imbes na maggibo nin daing basehan na mga alegasyon.
Tinawan duon man kan Palasyo na dae ninda tutugutan na gamiton bilang armas an mga pulis sa anuman na porma nin kadahasan.
