Inako ni Health Secretary Edwin Mercado na aaboton pa nin pitong taon bago maabot kan nasyon an “ideal” na bilang kan mga healthcare professionals.
Sa Senate budget hearing kan nakaaging Biyernes, Setyembre 4, iprinesentar ni Mercado an target na ratio na 14.3 physicians, 27.4 nurses, asin 2.5 midwives kada 10,000 populasyon.
Bilang panandalian na solusyon, isinuhistyon niya an task shifting, mantang an panghaloy na solusyon iyo an pagbawas sa attrition asin an pagtao nin malinaw na career track para sa mga health worker.
TPig-asegurar kan kalihim na igwa nang doktor sa gabos na banwaan, kaiba an mga Geographically Isolated and Disadvantaged Areas (GIDA) areas. Sa budget kan 2027, nakalaag an deployment nin 24,381 health professionals arog kan nurses asin medical technologists.
Kan ipunto ni Senador Joel Villanueva an 9,069 na bakanteng posisyon (9.1% kan kabilugan na authorized positions), inako ni Mercado na nasa 92% sana an fill-up rate huli ta kulang an mga aplikante para sa specialized posts arog kan speech therapists asin development specialists.
Segun sa DOH, tinatabangan ninda an mga ospital sa paagi kan pagbilog nin selection asin promotion boards tanganing mapano an mga bakante.
