Nagpaluwas an gobyerno nin P14.02 bilyon na pondo para sa kalamidad sagkod Agosto, na an kadaklan kaini idinulot sa Department of Social Welfare and Development (DSWD), tanganing pakusugon an pagresponde sa kalamidad asin paghirahay.
Ipigheras kan Department of Budget and Management (DBM) na an mga pondong ini naghale sa National Disaster Risk Reduction and Management Fund (NDRRMF) para sa panahon nin Enero sagkod Agosto.
An DSWD an nakaresibe kan pinakadakulang parte, na nagkakantidad nin P11.43% o haros 82% kan total na ipinaluwas, pangenot para sa pagpuno kan saindang Quick Response Fund (QRF).
An mga QRF sarong importanteng pondo na nakatagama tanganing tulos na makatabang an mga ahensya sa mga lugar na apektado nin kalamidad asin krisis.
Sa P26.13 -B na natatada pa hale sa P40.15-bilyon na total na alokasyon kan NDRRMF para sa taon, pig-asegurar kan gobyerno an padagos na suporta para sa mga komunidad na apektado nin kalamidad.
Nakaresibe man nin dakulang alokasyon an iba pang ahensya arog kan Department of Public Works and Highways, Department of National Defense, asin Department of the Interior and Local Government.
Para sa ipinapanukalang badyet kan 2027, nagtagama an gobyerno nin mas halangkaw na P45.67 bilyon para sa NDRRMF, na nagpapahiling nin 14.7% paglangkaw hale sa alokasyon ngunyan na taon, tanganing magserbing piskal na buffer para sa El Niño asin iba pang kalamidad.
