Nag-iimbestiga na an National Bureau of Investigation (NBI) sa haros duwang bilyon piso kantidad kan mga project flood control sa Davao City, bistadong distrito ni Rep. Paolo ‘’Pulong’’ Duterte.
Segun ki Dir. Melvin Matibag, kaipuhan nindang hilingon ini huli ta an mga proyekto sa distrito itinao sa sarong kontratista na Genesis88 Construction Inc.
Mawot suboot niyang linawon kun igwang kurapsyon o anomalya sa mga proyektong flood control tanganing magluwas an bilog na katotoohan.
Base sa impormasyon, ibinahagi ni Dir. Matibag na an kontratista na pig-iimbestigaran kan bureau suboot haloy nang amigo kan pamilya Duterte.
Mientrastanto, nagsimbag an director sa komento ni Rep. Duterte manungod sa imbestigasyon kan bureau sa mga proyekto.
Nanindugan pa ini na basado sa ebidensya an imbestigasyon kan NBI asin bakong ‘marites’ kontra sa mga alegasyon kan mambabatas.
