Nag-iimbestigar an mga awtoridad kan Thailand sa sarong klinika sa Bangkok pagkatapos na magadan an negosyante asin influencer na Briton na si Igho Ubiribo, 43, pirang oras pagkatapos na mag-agi sa sarong penis surgery gamit an hyaluronic acid filler.
Sarong Colonel (READ AS CORNEL) sa London an nagsabi na an mga ineksyon nin hyaluronic acid iyo an rason kan saiyang kagadanan. Nagsapo siya nin mga pagkulog sa daghan asin natumba mantang pigmamasahe pagkatapos kan operasyon. Dinara siya sa ospital alagad dae na naisalbar.
An mga awtoridad sa salud kan Thailand nag-iimbestigar na ngonian kun an klinika lisensyado asin kun ini nagsunod sa mga protocol sa salud asin kaligtasan. Nagpapadagos man an imbestigasyon kan mga pulis sa insidente.
Susog sa klinika, si Ubiribo sarong regular na pasyente poon pa kan 2024 asin nag-agi nin mga ineksyon sa pagpadakula kan ari nin limang beses. Sa huring procedure siya pig-injectionan nin 40 mililitro nin filler.
An pangyayari sa giraray nagpahiling kan mga peligro kan mga procedure sa pagpagayon asin turismo medikal. An Thailand midbid bilang sarong nangengenot na destinasyon para sa mga cosmetic procedures asin medical tourism asin igwa nin rinibong mga aesthetic clinics sa nasyon.
