DA mayung nahihiling na paglangkaw sa presyo kan bagas

Mayong nahihiling an Department of Agriculture (DA) na paglangkaw kan presyo nin bagas sa nasyon.

Segun ki DA spokesperson Arnel De Mesa, nagdadanay na stable an presyo kan bagas poon P48 hasta P55 kada kilo.

Ipigesplikar niya pa na marhay an inventory kan bagas sa presente.

Dai man naapektuhan an mga tanuman nin bagas kan nagligad na apat na bagyo asin mga habagat.

Pigsierto kaini na padagos an saindang pagmonitor sa mga saodan tanganing masiguro na mayong malabag na magpapalangkaw kan presyo nin bagas.