Sarong landslide an nagtama sa saro sa primerong starting kan mga nagtutukad sa Mount Fuji sa Japan, matapos an makusog na pag-uran sa sentral kan Japan.
Segun sa Japan Meteorological Agency, nakaranas nin grabeng pag-uran an kabukidan na parte kan Shizuoka prefecture poon Martes nin banggi hasta Miyerkules nin aga.
Huli kaini, isinara man an Fuji Subaru Line, saro sa mga pangenot na dalan pasiring sa Mount Fuji.
Mientrastanto, duwang climber an natagpuang na mayong malay sa magkasuhay na trail sa Mount Fuji asin natabunan nin debris an tulong behikulo, alagad mayong naiulat na nakulgan o nagadan.
Dai pa iniuugnay kan mga awtoridad an insidente sa landslide, mantang ipinadara na an mountain rescue team kan pulisya.
Sa Kawanehon, Shizuoka, sarong worker man an nagadan matapos tamaan nin suhay na landslide.
Lakop man an epekto kan makusog na uran sa Aichi asin Gifu, kun sain 41 katawo an naiulat na naalugadan huli sa pagbaha.
Sa Nagoya, uminabot sa record na 104.5 millimeters an uran sa laog sana nin sarong oras.
Linaoman na magpapadagos an makusog na pag-uran sa nagkapirang parte kan Japan hasta Miyerkules nin hapon.
