Ipinag-sugo kan Sandiganbayan Third Division an paglipat asin pagkakadetine ki dating House Speaker asin Leyte Representative Martin Romualdez sa New Quezon City Jail sa Payatas, Quezon City.
Ini kasunod kan resulta kan independent medical examination na ginibo sa University of the Philippines-Philippine General Hospital (UP-PGH) kun sain idineklara si Romualdez na clinically stable asin dai na kaipuhan na magdanay sa ospital.
Segun ki UP-PGH Director Dr. Gerardo Legaspi, mayong nahiling na unstable angina o acute coronary syndrome sa kamugtakan ni Romualdez mantang yaon sa ospital.
Nagluwas man sa ginibong dobutamine stress test na hababa an posibilidad na magkaigwa siya nin atake sa puso, mantang pwedesir nang ipagpadagos an saiyang monitoring asin pagbulong sa luwas kan ospital.
Huli kaini, nagpaluwas an Sandiganbayan nin sarong kautusan para ilipat si Romualdez sa New Quezon City Jail sa Payatas, kun sain siya magdadanay bilang detention prisoner.
Si Romualdez nahaharap sa P7.4-billion na kasong plunder manungod sa umano’y anomalya asin kickbacks sa mga flood control project kan gobyerno.
