Ipigheras kan Department of Agriculture o DA Bicol an epekto kan presenteng sitwasyon sa sektor nin agrikultura sa inflation.
Sa nagin pahayag ni Lovella Guarin, D.A Bicol Spokesperson, sinaysay kaini na dakulang parte kan price movement kan mga basic commodities an nakadepende sa produksyon asin supply kan mga produktong agrikultural.
Kabale digdi an bagas, gulay, karne asin iba pang produkto na direktang nakakaapektar sa presyo sa mga merkado.
Pigtawan-duon ni Guarin na importante an pagmantenir kan supisyente asin estableng supply, orog na sa hampang kan mga angat sa produksyon asin distribusyon.
Padagos na pigbabantayan kan ahensya an hiro kan presyo asin supply kan mga basic agricultural products para masimbagan an posibleng epekto kaini sa inflation.
