Nag-apelar nin tulios na de-escalation sa Middle East asin ceasefire sa Ukraine si United Nations Secretary-General Antonio Guterres bago an high-level week kan ika-81ng UN General Assembly sa New York.
Segun ki Guterres, dapat magin primerong prayoridad an pagpugol sa paglala kan tensyon sa Middle East huli ta padagos an mga sibilyan an nakakaeksperyensya kan epekto kan mga labanan.
Pig-inkaminar man kaini an gabos na lado na ipauntok an mga lakdang na nakakaraot sa mga sibilyan asin seguraduhon na makakapaghatod nin humanitarian aid nin ligtas asin mayong sagabal.
Nangapodan man an hepe kan UN na respetuhon asin ibalik an navigational rights asin freedoms sa Straits of Hormuz asin bab Al-Mandab, susog sa international law.
Sigon digdi, de-escalation, diplomacy asin dialogue an paagi tanganing maresulbaran an mga tensyon.
Mientrastanto, liwat na tinawan doon ni Guterres an pangapodan para sa ceasefire sa Ukraine bilang enot na lakdang pasiring sa sarong matanus, halawig asin komprehensibong katuninungan. Bukas man suboot ini na mag-host nin negosasyon sa United Nations kun magkaigwa nin oportunidad sa UN General Assembly.
Pig-inkaminar man ni Guterres an pag-implementar kan peace plan para sa Gaza, unrestricted humanitarian assistance, asin pagpundo sa inaapod niyang “Creeping annexation” kan West Bank. Tinawan -doon kaini na mayong katuninungan sa Middle East kun dai maisasakatuparan an two-state solution.
