Arestado an sarong babae matapos makua saiya an tinantyang P204M na kantidad nin pinaghihinalaan na shabu sa Brgy. BF International, Las Piñas sa ginibong buy-bust operation kan Sabado, Setyembre 19.
Base sa operasyon kan PNP Drug Enforcement Group (PDEG), katuwang an Philippine Drug Enforcement Agency (PDEA) asin iba pang ahensya, nadakop an 40-anyos na babae na pigkokonsiderar na high-value drug suspect na si alyas “Girlie.”
Narekober saiya kan pulisya an 30 kilo nin white crystalline substance na suboot methamphetamine hydrochloride o shabu.
Nasa irarom na kan kustodiya kan Las Piñas City Police Station an nasambit na suspek para sa maninigong dokumentasyon. Nakatakda ining ibalyo sa Camp Crame.
Na-turn over na man an nakumpiskang droga sa Forensic Group Southern Police District sa Taguig City para sa laboratory examination.
Mientrastanto, mahahampang an suspek sa kasong pagbalgar sa Comprehensive Dangerous Drugs Act of 2002.
