Nagpaluwas an Department of Labor and Employment (DOLE) nin mga safety protocol na ipapautob sa mga employer sa pribadong sektor tanganing protektaran an mga empleyado kontra sa air hazards.
Nakalatag sa Labor Advisory 15 na an mga employer dapat magkondusir nin Hazard Identification Risk Assessment and Control (HIRAC) tanganing maaraman an lebel nin exposure kan mga trabahador sa aso, haze, asin iba pang air pollutants na makakaapekto sa saindang salud.
Irinekomenda kan DOLE an paggamit kan Air Quality Index Matrix and Action Points (AQIMAP) na ipinaluwas kan Department of Environment and Natural Resources (DENR) asin Department of Health (DOH).
Sa oras na makamati nin unhealthy air quality, hinikayat kan DOLE an mga employer na magpatupad nin flexible work arrangements.
An mga employer na pinapalaog sa trabaho dapat magsulot nin angkop na protective equipment.
Sa panahon man nin emergency, pinayuhan kan DOLE an mga employer na suspindihon na an trabaho.
Magigirumduman na nakamati nin maraot na kalidad nin paros an Metro Manila, na an paros asin haze sinasabing hale sa Indonesia huli sa wildfire.
