Pigtawan-duon ni Cardinal Pablo Virgilio David an kahalagahan kan paninimbagan para sa mga lider, kaiba an mga makapangyarihan na opisyal, kasunod kan mga pahayag ni US President Donald Trump kontra sa International Criminal Court o ICC.
Segun ki David, nakakabahala an pag-atake ni Trump sa ICC sa saiyang talumpati sa United Nations, kun sain inapod niya ining anti-American tribunal asin hinimok an mga nasyon na miyembro na maghali sa institusyon.
Ipinaliwanag kan Cardinal na an ICC sarong independent international court na itinindog sa irarom kan Rome Statute tanganing husgaran an mga kasong genocide, crimes against humanity, war crimes asin crime of aggression.
Binanggit man ni David an kaso ni dating pangulong Rodrigo Duterte sa ICC, kun sain nakaatubang ini sa crimes against humanity charges konektado sa saiyang war on drugs.
Segun saiya, igwa nin karapatan si Duterte sa presumption of innocence asin fair trial.
Minsan siring, sinabi ni David na dapat man na ipairal an prinsipyo kan paninimbagan sa mga lider kan gabos na nasyon, kaiba an mga namamayong sa pinakamakapangyarihan na estado.
