Nakumpiskar kan mga otoridad an pigkakarkulong P6,800,000 na kantidad kan pigtutubudang shabu sa ginibong buy-bust operation sa Brgy. Caniogan, Pasig City kan Sabado, Setyembre 26.
Dinakop kan Pasig PNP an sarong 22 anyos na lalaki na pigtutubudang sarong high-value individual makalihis na madakop na dara an sarong kilo kan pigtutubudang illegal na droga na nakalaag sa anom na pakete nin zip-lock bag.
Nakumpiskar man sa suspechado an nagkapirang paraphernalia kabale an tolong P1,000 na ginamit bilang buy-bust money, sarong green sling bag, driver’s license, digital weighing scale, asin an motorsiklo kan suspek.
Itinao na man kan mga awtoridad sa Station Drug Enforcement Unit an nasabing mga ebidensya kabale na an pigtutubudang droga para sa drug testing asin forensic laboratory examinations.
Nakatalaan na sangatan nin kasong pagbalgar sa Republic Act No. 9165 o Comprehensive Dangerous Drugs Act of 2002 an suspek.
Mientrastanto, pigsierto man kan PNP NCR Officer-in-Charge Police Brigadier General Christopher Abrahano na padagos suboot an pagsusugpo kan mga kapulisan sa mga drug networks sa rehiyon.
