Posibleng I-adjust kan defense team ni Vice President Sara Duterte an paagi kan pagpresentar ninda nin mga argumento asin ebidensya sa impeachment trial, kasunod kan mga komento hale sa mga senator-judges.
Segun ki Defense spokesperson Atty. Michael Wesley T. Poa, ibinibilang ninda an mga puna kan mga Senador bilang constructive feedback na makakatabang tanganing maaraman kun malinaw asin epektibong naipapahiling kan depensa an saindang mga punto.
Sinabi ni Poa na kun igwa nin mga argumento o ebidensya na dai nagin malinaw o dai nag-register sa mga Senador-Hukom, pwede nindang I-tweak o I-recalibrate an saindang presentasyon.
Tinawan-duon kaini na importante na masabutan kan mga senator-judges an posisyon kan depensa huli ta sinda an magdedesisyon sa impeachment case.
Siring man, dai ibinunyag ni Poa an mga partikular na adjustment o argumento na saindang paghahandaan.
Segun pa sa abogado, manlaen-laen an estilo kan lambang defense counsel sa cross-examination asin oral arguments, kaya pag-uurulayan kan saindang team kun kaipuhan an pagbabago sa saindang approach.
