Nakatalaan na ipagpadagos sa Nobyembre 9, 2026 an pagdangog kan Senate Impeachment Court manungod sa impeachment trial ni Vice President Sara Duterte.
Kaugnay kaini, naghain an abogado kan depensa ni Vice President Duterte sa Senate Impeachment Court nin manipestasyon tanganing hagadon na isyuhan nin subpoena duces tecum asin Ad Testificandum, asin ipaapod bilang enot na testigo si Ralph A. Sarmiento.
Si Sarmiento dating Vice Chancellor for Administration kan University of St. La Salle asin sa presente, sarong midbid na propesor kan Political and Constitutional Law.
Segun sa ihinain kan depensa, pighihiling na magtao nin testimonya si Sarmiento manungod sa mga legal asin konstitusyonal na prinsipyo na konektado sa impeachment case asin sa Article II.
Nakalaag man sa manipestasyon na isusumite kan depensa an pagkakakilanlan kan iba pang mga testigo para sa mga nakatalaan na pagdangog sa Nobyembre 10, 11, 12, 13, 19, 20 asin 23.
