Pinapakusog kan gobyerno an pag-andam para sa posibleng epekto kan “Super El Niño,” partikular sa kakulangan sa tubig asin grabeng tagtuyot.
Segun ki Malacañang Press officer undersecretary Claire Castro, nagtiripon na an mga concerned agencies kan Mayo 25 para pag-andaman an weather phenomenon.
Nagpreparar an National Irrigation Administration nin mitigation plan, kaiba an paggamit nin groundwater maps, maintenance asin rehabilitasyon kan solar-powered pump irrigation systems, asin pag-deploy nin mobile solar pumps sa mga drought-prone asin water-stressed areas.
Mantang, nag-aandam an DENR para sa water security, forest fire prevention asin energy conservation, mantang pigsesentro kan Department of Agriculture an irrigation systems asin drought-resistant crops.
Nakalaan man an financial assistance para sa mga paraoma asin parasira.
Nag-aandam man an Department of Energy para sa posibleng power interruptions, mantang an health authorities iyo an magpapatupad nin hydration, cooling measures asin health monitoring para sa vulnerable groups.
Pigheheling man kan Palasyo asin DBM an posibilidad nin dugang na pondo.
