Nahatulan kan Sandiganbayan na guilty an dating opisyal kan Department of Social Welfare and Development (DSWD) na si Honorita Bayudan sa kasong malversation asin graft dahil sa salang paggamit kan Priority Development Assistance Fund (PDAF) allocation kan dating Pasay representative Consuelo Dy kan 2007.
Sa 88-pahinang desisyon, sinentensyahan kan anti-graft court si Bayudan nin sagkod 18 taon na pagkabilanggo dahil sa malversation kan public funds sa irarom kan Article 217 kan Revised Penal Code, asin sagkod 10 taon dahil sa paglapas sa Anti-Graft and Corrupt Practices Act.
Pinagmulta man siya nin P5 milyon, na katumbas kan kantidad na ginamit nin dai tama, asin permanenteng diniskwalipika sa paghawak nin posisyon sa gobyerno.
Inatasan man si Bayudan na ibalik an saiyang retirement benefits. An mga kaso nag-ugat sa P8-milyon na PDAF allocation ni Dy para sa DSWD Comprehensive Integrated Delivery of Social Services Program kan 2007.
An kwarta ipinaago sa Unlad Pinoy Organization Inc. (UPOI) para sa skills training asin livelihood assistance kan mga maralita na residente kan Pasay.
Si Bayudan, na dating director kan DSWD-National Capital Region, nagpirma sa duwang disbursement vouchers na nagresulta sa pagpapaluwas kan P5 milyon sa duwang tranche—P1.5 milyon asin P3.5 milyon—sa parehong aldaw kan Marso 2007, maski an memorandum of agreement asin sarong circular kan Commission on Audit nagrerequire nin staggered releases.
Alagad nanutaran kan korte na an registration kan UPOI bilang social welfare and development agency iyo an “marred with irregularities.”
An organisasyon narehistro sa Securities and Exchange Commission kan Pebrero 2007, pirang aldaw bago pinirmahan an kasunduan.An organisasyon mayo nin lisensya asin dai akreditado kan DSWD.
