Nag-poon na an ika-anom na joint humanitarian asin disaster relief drills kan Japan asin Pilipinas sa mga mayor na base militar asin sibilyan na paliparan sa Luzon asin Visayas
An Armed Forces of the Philippines (AFP) asin Japan Self-Defense Forces (JSDF) an nagsasagibo kan “Doshin-Bayanihan 6-26” exercise poon Oktubre 4 sagkod 9.
Ginibo an pagsasanay sa Mactan-Benito Ebuean Air Base sa Cebu, Daniel Z. Romualdez Airport sa Leyte, asin Puerto Princesa International Airport sa Palawan, harani sa West Philippine Sea.
An Air Self-Defense Force kan Japan nagpadara nin KC-130H military aircraft asin 40 persona, mantang an Philippine Air Force (PAF) nagagamit man nin C-130H asin mga sundalo.
Kaiba sa pagsasanay an airdrop, load/offload training, takeoff asin landing gamit an night vision goggles.
Igwa man nin mass casualty training asin aeromedical evacuation training na isasagibo.
Sa laog kan exercise, an PAF an masupply nin fuel sa mga eroplano kan Air Self-Defense Force kan Japan.
An “Doshin-Bayanihan” nagpoon kan Hulyo 2021 sa Clark Air Base, na an “Doshin” boot sabihon “parehas na pag-iisip.”
