Isinusulong ni Rep. Marcy Teodoro kan Marikina an sarong panukalang scholarship program para sa mga paratukdo sa pampublikong eskwelahan asin sa saindang mga aki.
Ini an House Bill No. 10954, o an Public School Teachers Scholarship Grant Act, na saiyang muling inihain asin orihinal na isinulong kan saiyang agom na si Marikina Mayor Maan Teodoro.
An pangenot na katuyuhan kan panukala iyo an magtao nin tuloy-tuloy na suporta sa professional development kan mga public school teacher asin sa edukasyon kan saindang mga aki.
Sa irarom kaini, an mga kwalipikadong paratukdo makakakua nin scholarship para sa master’s asin doctoral degree programs sa mga state university asin college na accredited kan CHED.
Kaiba man digdi an educational assistance para sa mga aki kan mga kwalipikadong paratukdo, na nagtatao nin mas mahiwas na benepisyo sa pamilya.
Segun ki Rep. Teodoro, panahon na para saluhon kan estado an mga pangangaipo kan mga paratukdo asin magtao nin suporta sa saindang pag-uswag asin sa pag-adal kan saindang mga aki.
